Frank Fernandez & Co nadakpan sa Laguna

Us aka press release gikan sa army ni  LTC RANDY L PAGUNURAN INF (GSC) PA, ang Commanding Officer sa 94th Infantry (MANDIRIGMA) Battalion nagkanayon nga ang pinaka mataas  nga opisyal sa grupong NPA sa Negros nadakpan didto sa Laguna.

Gikan sa Camp Leon Kilat, Tanjay City, Negros Oriental ang report nagkalayon nga  gi-aresto sa mga awtoridad si Francisco “Frank” Fernandez, 71 anyos, nga usa ka pugante ug pinakataas nga lider sa teroristang NPA nga naglihok sa Negros Island, ug Regional Secretary sa Regional Committee sa Negros, uban sa iyang asawa nga si Cleope Lagtapon, 66 anyos, Regional Deputy Secretary for Communication and Education ug Gee-ann Perez, 20 anyos, usa ka Regional Communications Staff atol sa usa ka operasyon sa pagpatuman sa balaod niadtong Marso 24 (Dominggo), 2019 alas 5:00 sa kabuntagon sa Brgy Calumpang, Nagcarlan, Laguna.

Ang maong tulo (3) ka lider sa NPA gidakop sa usa ka resort sa maong barangay. Nakuha sa mga awtoridad gikan kanila ang 3 ka kalibre .45, 3 ka granada, cellphone ug uban pang subersibong mga dokumento.

Kining report kinahanglan pang  maconfirmar sa campo sa NPA sa Negros Oriental. Wala pay mga statement nga naconfirmar ug gipagula sa media sa NPA.